كلنا محتاجين دواير آمنة في حياتنا نتشارك فيها تجاربنا بحب..
“دواير” من النساء للنساء♥️
الإنسان طاقة. وكل واحد لازم من وقت للتاني يجدد طاقته.. الستات بالذات في مجتمعاتنا دايمًا مضغوطة ومبيكونش عندها فرص كتير إنها تفرغ الضغط ده، وعشان معاناة الستات مضاعفة لأنهم أكتر فئة معرضة للعنف، وعشان كلنا محتاجين مساحات آمنة نعبر فيها عن نفسنا واللي جوانا ونعرف إننا مش لوحدنا، ونتشارك تجارب وخبرات بعض، عملنا “دواير”.
دواير .. مساحة آمنة وداعمة، هدفها
-إننا نشارك خبراتنا ومشاكلنا وأفكارنا بصوت عالي
-ونتعلم من بعض، ونناقش مشكلات وقضايا الستات الحقيقية والملموسة من خلال حكايات كل واحدة فينا،
-هنتعلم ازاي نوازن أمورنا ونهتم بصحتنا النفسية والجسمية عشان منستنزفش.
-كمان هدفنا نوفر دوائر دعم خارجية بديلة عن الأسرة للستات الي بتعاني من مشكلات أسرية، أو تعنيف، وتقليل الشعور بالوحدة والاكتئاب والقلق الناتج عن مواجهة المواقف دي لوحدك.
ده بيتم في إطار ترفيهي زي إن إحنا نخرج ونتفسح ونتكلم مع بعض ونفتح قلوبنا، هنقابل ستات مروا بنفس مشاكلنا، أو مشكلات مشابهة فمش هتحسي إنك لوحدك.
مبادرة “بر أمان” أمان ليك ودايرة دعم وحب.