عنف خفي

حصلك قبل كده موقف يبان بسيط أو عادي بس انتِ وقتها مكنتيش مرتاحة؟ أو حسّيتِ إن في حاجة غلط؟
ممكن تكون ضحكة, تعليق عابر, أو حتى تصرف يومي, لكنه أثر فيكي بشكل سلبي؟ ده بالظبط بنسميه “عنف خفي”.
تصرفات وأفعال بتبان عادية أو غير مقصودة، لكنها لكنها في الحقيقة بتعكس إحساس بالإستحقاق أو نية خفية للأذى, اللي بدورها بتتسبب في أذى نفسي ومعنوي كبير.
في المواصلات، الاجتماعات، في شكل هزار مليان إساءة، أو فرص بتروح, بس علشان انتِ ست.
و لإننا مش بنقبل القوالب النمطية و بنرفض السكوت عن أي شكل من أشكال العنف، بنشارك في حملة الـ16 يوم العالمية لمناهضة العنف ضد المرأة. خلال الفترة دي، هنركز على التوعية بمجموعة من السلوكيات الخفية اللي بتتسبب في العنف ضد الستات، وهنفتح النقاش علشان نسمي الحاجات بمسمياتها ونواجهها مع بعض ونخلق بيئة أكثر احترامًا وعدلًا للنساء.

تابعونا خلال الـ 16 يوم الجايين، وشاركونا آراءكم وتجاربكم علشان نكسر الصمت ونواجه العنف بكل أشكاله.

كتابة: اسراء شاهين
تصميم: هبة خالد
#عنف_خفي
#عنف_خفي_أثر_باقي