في جمل كتير بتتقال في سياق الهزار، لكنها بتكون مبنية على تنمّر أو تقليل من حد أو عنصرية، وده غير مقبول، زي:
رغي ستات
اللي بتتقال لأي حد شايفينه بيتكلم في حاجات مش مهمة، باعتبار إن الستات بس هي اللي بتعمل كده، وده وصم للستات وتقليل منهم، فالكلام في مواضيع تافهة مش حكر على جنس معين.
دي أكيد سواقة / ركنة واحدة ست
فعلى الرغم من وجود دراسات بتثبت إن سواقة الستات أفضل، زي دراسة نشرتها “الديلي ميل” عن كون الستات يعتبروا سائقات أفضل لأنهم قادرين على تفادي المشتتات أكتر، ودراسة تانية لجامعة “نيوكاسل” بتؤكد إن الستات ردة فعلهم أسرع، وده بيخلي قيادتهم للسيارات ذاتية القيادة أفضل، لكن السخرية من سواقة الستات ما زالت مادة للهزار.
يلا على المطبخ
جملة بتتقال للاستخفاف برأي الستات، على الرغم من كون شغل المطبخ مش حكر على جنس معين، بل شغل بيعمله أي شخص راشد.
لازم نفتكر إن الهدف من الهزار إننا نخفف عن بعضنا بالضحك، مش السخرية أو التقليل من حد.
كتابت : مريم الشبيني
تصميم : ماري جرجس
#عنف_خفي
