لو اشتكيت هفضل موجودة مع سمعة أني شخص مش بيقبل هزار، أو شخص عايز يلغي الآخرين، وأنا مش عايزة أتشاف كدا، الشكوى هتخلي الموضوع أسوء!
ودي كانت إجابة بنت أتسألت هي ليه مش بتقدم شكوى ضد مضايقات المدير،
التصرفات غير اللفظية مثل الاستفزازات الخفية أو النظرات أو اللمسات غير المرغوب فيها “دون موافقة“ تعتبر تحرش، الهزار بشكل غير مرغوب فيه وبيتخطى حدود الشخص التاني يعتبر تحرش، أي تصرف غير مريح بيشعر بيه الضحية هو تحرش ومش شرط كل اللي حواليكي يشجعوكي أنك تعبري عن رفضك للتصرف، اللي حواليكي مش لازم يفهموا ويحسوا إن دا تحرش كفاية أنك أنتي حسيتي بعدم راحة ومضايقة!
حتى في نطاق العيلة حقك ترفضي طريقة سلام مش بتعجبك ومش بتريحك وحقك تعبري عن رفضلك لهزار باللمس أو باللفظ مش بيعجبك وبيسببلك عدم راحة في نطاق العيلة والعمل المتحرش بتشوفيه كل يوم وكل ساعة وممكن يكون شخص قريب منك ومحدش حاسس بتصرفاته ومضايقاته غير الضحية وبيكون تحرش غير مرئي لكل الناس إلا الضحية وقتها لازم تعبري عن رفضك وتفهمي من جواكي إن “لأ“ بتتقال لكل الناس طالما أنتي مش مرتاحة، من حقك تقولي لأ لأي تصرف حتى لو غيرك شايفه عادي،
“عمرك ماهتكوني رخمة لما تقولي لأ لتصرف بيسببلك أذي نفسي”
#موافقتي_مستنيرة #بر_أمان #صوتك
