أغلب النساء بتلتزم الصمت لما بتتعرض لتحرش لأسباب كتيرة بيستغلها المتحرش لمعرفته المسبقة إن على الأغلب الضحية/الناجية لن تقوم بالإبلاغ عن أفعاله، وعلشان كدا في نهاية حملتنا #موافقتي_مستنيرة عايزين أولاً نطمنك ونأكدلك إنك مش لوحدك وإننا كستات جنبك ومعاكي، و إن حقك إنك ترفضي أي فعل وتقولي لأ ولازم الطرف الأخر يحترم رغبتك في الرفض، تجاهل رأيك ورغبتك من الطرف الآخر علشان يعمل أي شيء عايزه دا “جريمة” في حقك، عبري عن رفضها من غير خوف وقلق من رد فعل أي حد حواليكي .. أنتي الوحيدة صاحبه القرار.
المتحرش لازم يتعاقب سواء بأنك تفضحي فعله أو تبلغي عنه أو تعبري عن رفضك بشكل واضح، المتحرش مش شخص لازم تخافي منه، أنتي صاحبه الحق.
