العنف الطبي مش جديد.
لكنه لسه واقع ستات كتير بتعيشه لحد النهاردة.
العنف الطبي من المشاكل القديمة اللي لسة بتواجه الستات لحد دلوقتي، وممكن نشوفه امتداد للعنف القائم على الستات عموما، فالأطباء والأطقم الطبية مش بمعزل عن المجتمع.
للأسف ستات كتير مش عارفة إن من حقها تفهم الإجراء الطبي اللي هيتعمل لها، وإن من حقها القبول أو الرفض، وده بيخلي بعض الأطباء يستغلوا ده باعتباره بيديهم نوع من أنواع السلطة اللي بتبعدهم عن أي
محاسبة.
عشان كده، وإيمانًا مننا إن الحل الحقيقي يبدأ بالوعي، هنسلط الضوء على أبرز أشكال العنف الطبي الواقع على الستات وأشكاله المختلفة.
وافتكري دايما إن من حقك تبقي حاسة بالأمان حتى وإنتِ جوه أوضة الكشف.
اعرفي أكتر عن حقوقك، وخلي دايمًا صوتك مسموع.
تصميم:شروق علي
