الستات مش دليل إثبات!
“محمد رمضان اللي إحنا عارفينه مايلبسش برا..محمد رمضان يفكّه”
ده كان رد محمد رمضان في فيديو انتشر له بعد حفلة كوتشيلا، ردًا على الانتقادات اللي وُجهت له بسبب إطلالته هناك. وكأنه بيقدّم بيان عن “فحولته” لجمهوره!
لكن الحقيقة؟
اللي محمد رمضان بيقدّمه مش رجولة، دي فحولة مزعومة مبنية على استعراض ذكوري مبتذل.
الفيديو بيكشف نسخة كاريكاتيرية من سيطرة ورجولة مفككة، اختزلها رمضان في قدرته على خلع الملابس الداخلية للستات، واعتبار أجسادهن أرض مباحة للتفاخر ولإثبات الهيمنة الذكورية وهوسه بالفحولة.
اللي بيعمله رمضان هو تطبيع واضح لفكرة إن جسد الست مش ملكها، وإنه أداة يستخدمها الراجل علشان يثبت “رجولته”.
الرسالة هنا محمّلة بعنف ناعم، خفي، بيغذي ثقافة بتسلب الستات حقهم في الأمان الجسدي.
كتابة: أسما حسين
تصميم:شروق علي
