“أعملي محضر مشادة كلامية أو مشاجرة أو سرقة وحقك هيجيلك”❌
السرقة جنحة والتحرش جناية حاولي تتمسكي بحقك في عمل محضر التحرش. ✔️
“هتباتي في القسم مع المتهمين لحد ماتتعرضي على النيابة” ❌
المتهم هو بس اللي بيتم حجزه والناجية والشهود بيكتبوا إقرار بحضورهم للنيابة ✔️
” أسمك وبيانتك هيعدوا على عشرين شخص”❌
خليكي متأكدة ان وقائع التحرش ورغم خصوصيتها لكن بتحصل طول الوقت للستات والبنات في مصر مفيش أي حاجة توصمك بالعار الوصم والعار على المتحرش”. ✔️
“لو صممتي تعملي محضرهتركبي البوكس وتبهدلي نفسك”❌
مافيش حد من حقه يجبرك انك تركبي البوكس أو أي عربية تابعة للشرطة الا بموافقة منك ومن حقك تاخدي أي مواصلة وتروحي بيها القسم/النيابة. ✔️
“تفريغ الكاميرات مش بيكون في قضايا التحرش” ❌
أعرفي ان تفريغ الكاميرات حقك وطالبي بيه عند عمل محضر التحرش. ✔️
“لازم يكون معاكي محامي/ة” ❌
وجود محامي/ة معاكي بيدعم موقفك وبيدعمك نفسيًا لكن لو معرفتيش توكلي محامي القانون بيعطيكي الحق في عمل محضر لوحدك كمان ممكن تتواصلي مع المؤسسات والمبادرات النسوية الداعمة في محافظتك لطلب المساعدة . ✔️
” مافيش حاجة أسمها محضر تحرش” ❌
التحرش الجنسي جناية وفقًا لقانون العقوبات في المادة (306 مكررًا أ) ✔️
#كلام_لو_اتقالك_متصدقيهوش
#لما_روحت_القسم
#نسيج_نسوي
