في إحدى قرى محافظة الغربية، بعد اقتحام الجيران للمنزل، تم العثور على جثة الطفلين (محمد ٨ سنوات ونادية ١٠ سنوات ) وإصابة أخوهم (أحمد ٥ سنوات ) بجروح خطيرة نتيجة تعذيب والدهم لساعات طويلة.
بعد القبض على المجرم اعترف إن الجريمة كانت بسبب خلافات أسرية.
الجريمة دي على الرغم من بشاعتها لكنها نتيجة مأساة العنف الأسري المتكررة في مجتمعنا، فحسب دراسة لليونسيف 2016 في 50% من الأطفال في مصر اتعرضوا للعنف الجسدي على يد الأسرة.
وعلى الرغم من خطورة المشكلة لسه القوانين مش قادرة تحمي الأطفال بشكل كافي لأن كتير من منفذي القانون بيعتبروا العنف الأسري ده شأن خاص.
محتاجين نوفر مؤسسات بتقدم دعم نفسي و ملاجئ آمنة للأطفال/ الطفلات المعنفين/ات عشان مايبقوش ضحايا قادمين/ات و كمان لازم ننشر الوعي بالقضية في المدارس و وسائل الإعلام و التوعية بالأساليب التربوية.
كتابة: مريم الشبيني
تصميم:شروق_علي
